Şəki Şəhər Uşaq İncəsənət Məktəbinin müəlliməsi, sözügedən şəhər sakini Aynur Əsgər qızı Qocayevanın bir ay öncə Müstəqil İctimai Nəzarət Agentliyinin MİNA Tv.az saytına ünvanladığı yazılı müraciəti əsasında əməkdaşlarımızın hazırladığı araşdırma məlumatları yuxarıdakı başlıq altında saytımızda yayımlandıqdan sonra, həmin məktəbin digər bir neçə müəllimlərinin də eyni mövzuda problem yaşadıqları barədə məlumat aldıq.

(Bu barədə daha ilginc xəbədlər növbəti çıxışımızda veriləcək). Məlumatların hamısında da, bir qayda olaraq bu təhsil müəssisəsinin intriqa mərkəzinə çevrilməsi Xəyalə Töhrab qızı Töhrablının sözügedən məktəbə dərs hissə müdiri vəzifəsinə təyin edilməsindən sonra başladığı açıqlanırdı. Hətta onun məktəbdə böyük-kiçik saymadan “mənə Töhrab qızı Xəyalə Töhrablı deyərlər, mən heç kimdən qorxmuram, kim hara və kimə istəsə şikayət edə bilər!”-deyə gözümçıxdıya saldığı müəllimlərin iradəsini sındırmaqla susdurmağa çalışdığını və sanki müəllimləri incitməkdən həzz aldığını xüsusi vurğulamağımız xahiş edilirdi. Biz bununla əlaqədar dəlil-sübut göstərilməsinin vacib olduğunu bildirəndə isə, qeyd etdilər ki, “nə Şəki Uşaq İncəsənət Məktəbinin direktoru Eldar Kamran oğlu Rəcəbov, nə də Şəki Regional Mədəniyyət İdarəsinin rəis əvəzi Nargilə Rəhman qızı Qafarovanın, Mədəniyyət Nazirliyinin göndərişilə və bəh-bəhlə dərs hissə müdiri vəzifəsinə qəbul etdikləri Xəyalə Töhrab qızı Töhrablının öhdəsindən gələ bilmədiklərini də peşimanlıq hissilə dəfələrlə etiraf etməyə məcbur olublar.”
Aldığımız bu məlumatlardan belə bir sual yaranır:

Görəsən dərs hissə müdiri Xəyalə müəllimənin arxalandığı atası Töhrab Töhrablı hansı sehrli gücə malikdir ki, dövlət qurumları onun qarşısında belə aciz qalıblar?
P.S. MİNA Tv.az saytı olaraq araşdırma apararkən, həm sözügedən məktəbin direktoru E.Rəcəbovun, həm də onların tabe olduğu Mədəniyyət İdarəsinin rəis əvəzi N.Qafarovanın faktla əlaqədar ünvanladığımız suallara aydınlıq gətirməkdən ciddi-cəhdlə yayınmalarının, şikayətçilərin bildirdikləri fikirlərlə üst-üstə düşməsini nəzərə alaraq bu məlumatları ictimailəşdirdik. Qarşı tərəf də öz mövqeyini bildirərsə, yayımlamağa hazırıq.

Aidiyyəti rəsmi orqanların faktla əlaqədar görülmüş tədbirlər barədə məlumatlarını gözləyirik.

MİNA Tv.az saytının Araşdırma Bürosu