Əli Kərimlinin köməkçisi “Matros Faiq” saxlanıldı
AXCP sədri Əli Kərimlinin köməkçisi kimi tanınan və “Matros Faiq” ləqəbi ilə məşhur olan Faiq Əmirli də “Ramiz Mehdiyev işi” çərçivəsində saxlanılıb.
MİNA tv.az xəbər verir ki, məlumata görə, ölkədə Mehdiyevin yaratdığı iddia olunan “Dövlət Şurası” şəbəkəsi üzrə aparılan istintaq tədbirləri genişləndirilir və bu proses müxalifət düşərgəsinə də sirayət edir.
Mənbələrin bildirdiyinə görə, artıq Əli Kərimli və AXCP-yə yaxın bir sıra şəxslər, o cümlədən Mehmet İbrahim saxlanılıb və onların evlərində axtarışlar aparılıb. Hazırda davam edən əməliyyatlar çərçivəsində saxlanılanların sayının artacağı ehtimal olunur.
“Ramiz Mehdiyev işi” üzrə aparılan istintaqda Mehdiyevin ölkədə siyasi sistemi dəyişdirməyə, 50 nəfərlik “Dövlət Şurası” formalaşdırmağa cəhd göstərdiyi, bu strukturda həm iqtidar, həm də müxalifət daxilindən bir sıra şəxslərin adı hallandığı bildirilir.
Mövzu ilə bağlı yeni məlumatlar daxil olduqca Musavat.com oxuculara çatdıracaq.
