“Turan Tovuz” “Sumqayıt”la, “Sabah” “Karvan-Yevlax”la qarşılaşacaq
Bu gün keçiriləcək iki oyunla Misli Premyer Liqasında 17-ci tura yekun vurulacaq.
Günün ilk matçında “Turan Tovuz” “Sumqayıt”la üz-üzə gələcək.
Tovuz stadionunun qazonu hazır vəziyyətdə olmadığı üçün Sumqayıtda keçirilən bu görüşdə nominal meydan sahibi “Turan Tovuz” olacaq.
Hazırda hər iki komandanın aktivində 27 xal var.
Bu matçda qələbə qazanacaq kollektiv turnir cədvəlində “Zirə”ni geridə qoyaraq üçüncü pilləyə yüksələcək.
İlk dövrənin matçında “Turan Tovuz” səfərdə “Sumqayıt”ı 3:0 hesabı ilə məğlub edib.
Turun son matçında isə lider “Sabah” “Karvan-Yevlax”ı qəbul edəcək.
Paytaxt klubu hazırda 37 xalla birinci, Yevlax təmsilçisi isə 6 xalla sonuncu pillədədir. “Sabah” bu gün qələbə qazansa, ən yaxın izləyicisi “Qarabağ”la xal fərqini 4-ə çatdıracaq. Bu komandalar arasında ilk dövrədə baş tutan görüşdə “Sabah” rəqibini 2 cavabsız qolla üstələyib.
25 yanvar (bazar)
16:00. “Turan Tovuz” - “Sumqayıt”
Hakimlər: Kamal Umudlu, Namiq Hüseynov, Vüsal Məmmədov, Fərid Hacıyev
VAR: Cavid Cəlilov
AVAR: Zöhrab Abbasov
Mehdi Hüseynzadə adına Sumqayıt şəhər stadionu
18:30. “Sabah” - “Karvan-Yevlax”
Hakimlər: Rauf Cabarov, Elşad Abdullayev, Müslüm Əliyev, Tural Qurbanov
VAR: Əli Əliyev
AVAR: Şirmamed Mamedov
“Bank Respublika Arena”
