"Mançester Yunayted"in sabiq futbolçusu Rio Ferdinand Premyer Liqanın Şöhrət Zalına daxil edilib.

Qol.az xəbər verir ki, bu barədə qurumun saytı məlumat yayıb. 44 yaşlı müdafiəçi azarkeşlərin səsverməsi və ekspert seçimindən sonra buna layiq görülüb. Ümumilikdə 15 oyunçu Şöhrət Zalına namizəd olub.

2023-cü ildə Premyer Liqanın Şöhrət Zalına daxil olan ilk şəxslər Aleks Fergüsson və Arsen Vengerdir.

Premyer Liqanın Şöhrət Zalı 2021-ci ildə təsis edilib. Ferdinand, Fergüsson və Vengerdən başqa, onun tərkibinə Alan Şirer, Tyeri Anri, Erik Kantona, Roy Kin, Frank Lempard, Dennis Berqkamp, ​​Steven Cerrard, Devid Bekem, Paul Skoulz, Didye Droqba, Vinsent Kompani, Serxio Aquero, Patrik Vyera, Ueyn Runi, Lan Urayt və Peter Şmexel daxildir.

Xatırladaq ki, Ferdinand 2002-2014-cü illərdə " Mançester Yunayted" də çıxış edib. Klubun tərkibində 6 dəfə Premyer Liqanın, 4 dəfə İngiltərə Superkubokunun, 2 dəfə İngiltərə Liqa Kubokunun, həmçinin bir dəfə Çempionlar Liqası və Klublararası dünya kubokunun qalibi olub. Ferdinand həmçinin "Lids" və "Vest Hem"in də formasını geyinib.