"Al Araby" telekanalının Tehrandakı ofisinə raket zərbəsi endirilib
Qətərin "Al Araby" telekanalının İranın paytaxtı Tehrandakı ofisi raket atəşinə məruz qalıb.
Zərbə nəticəsində ofisin yerləşdiyi bina ciddi şəkildə zədələnib.
Kanalın müxbiri Hazem Kallas dağıntıları öz mobil telefonu ilə qeydə alıb.
"Mən ofisdən reportaj aparırdım, bu zaman qəfildən binaya raket düşdü. Vəziyyət son dərəcə təhlükəlidir, fotoqraf həmkarlarım bizimlədir. Bina açıq-aydın dağılıb, hadisəyə görə küçəyə insan kütləsi toplaşıb", - o bildirib.
Qeyd olunub ki, redaksiya əməkdaşları təhlükəsizlik məqsədilə təxliyə ediliblər.
