Redaksiyamıza ziyalı müəllim tərəfindən ciddi bir müraciət daxil olub. İctimai maraq və maarifləndirmə məqsədini nəzərə alaraq, müəllifin şəxsi təcrübəsinə, müşahidələrinə və iddialarına söykənən həmin müraciəti hissə-hissə oxucularımızın diqqətinə çatdırırıq.

Müraciət müəllifi bildirir ki, onu ictimaiyyətə açıqlama verməyə vadar edən əsas məsələ son dərəcə təhlükəli və narahatlıq doğuran bir sosial-siyasi təmayülün üzə çıxmasıdır. İddia olunur ki, keçmişdə alqı-satqı işləri, maklerlik və müxtəlif növ şübhəli əməliyyatlarla məşğul olmuş bir şəxsin psixoloji manipulyasiyalar və fırıldaqçılıq vərdişləri ilə siyasətə adlaması, hətta bir siyasi partiyanın rəhbərliyinə gəlməsi cəmiyyət üçün ciddi təhlükə siqnalıdır.

"Söhbət heç də hüquq-mühafizə orqanlarına çağırış etməkdən və ya kiməsə cəza tələb etməkdən getmir. Burada əsas məqsəd ictimaiyyəti, xüsusən də siyasi və sosial aktiv şəxsləri gözlənilən təhlükələrdən xəbərdar etmək, insanları bu növdən olan psixoloji manipulyasiyalardan qorumaqdır."

Aydəm (Adəm) İsmayılov kimdir?

Müraciətdə qeyd edilir ki, söhbət əslən Şamaxı rayonundan olan, uşaq yaşlarında Bakının Sahil qəsəbəsinə (keçmiş Primorski) köçən Aydəm İsmayıl oğlu İsmayılovdan gedir. Həmin şəxs son zamanlar mətbuatda və ictimaiyyət arasında özünü "Adəm Bakuvi", "Adəm İsmayıl", iş adamı, yazıçı, şair, siyasi elmlər mütəxəssisi və ya Şirvan Xeyriyyə Cəmiyyətinin sədri kimi təqdim etməyə başlayıb.

Aydəm İsmayılov müxtəlif rollara girməyi bacaran, qarşısındakı insanın psixologiyasını sürətlə mənimsəyən və aldatmağı bacaran bir şəxs kimi formalaşıb. O, dindar mühitdə özünü "Şıxeyib babanın ocağının nümayəndəsi", məmurların yanında "etibarlı şəxs və ya idarəçi", iş adamlarının yanında “prodüserləri” həll edən "makler", son zamanlar isə qalstuk və eynək taxaraq "ciddi siyasi fiqur" kimi qələmə verir.

Əldə etdiyimiz məlumata görə bu şəxs digər şəxsləri də dələduzluq əməllərinin qurbanına çevrib.

İddia olunur ki, Aydəm İsmayılov insanların etibarından sui-istifadə edərək, onları aldatmağa müvəffəq olub. Nəticədə mülklərini, evlərini satdırmağa nail olub, onları və müxtəlif insanları son dərəcə ağır maddi və psixoloji duruma salıb. (bu haqda növbəti buraxılışımızda mövzuya qayıdacağıq) Aydəm İsmayılovun keçdiyi yola diqqət yetirdikdə, Nikolay Qoqolun "Müfəttiş" əsərindəki Xlestakov obrazı yada düşür. Bəli, bu adam artıq rəsmi sənəddə Aydəm İsmayılov olsa da özünü ictimaiyyətə "Adəm Bakuvi" kimi təqdim edir.

Aydəm və qardaşları (Azər və Aydın adlı qardaşları) ilk olaraq "Araz" kinoteatrının sonuncu mərtəbəsində məskunlaşaraq mühafizə fəaliyyətinə başlayıblar. Şirkət vasitəsilə evləri, obyektləri olan imkanlı şəxslərin mühafizəsini təşkil ediblər.

Özəlləşdirmə dövründə məmurlarının əldə etdiyi zavod və mülklərin mühafizəsini boyunlarına götürərək mühüm dairələrlə tanışlıqlar qurublar.

Bir çox məmurlar öz adlarına mülk rəsmiləşdirmək istəmədikdə, bu qardaşlar şifahi və daxili müqavilələr bağlayaraq obyektləri öz qohumlarının, hətta Şamaxıdakı tanışlarının adına keçirməklə "etibar qazanıblar".

1 nömrəli Ayaqqabı Fabriki və Otel biznesi:

İddialara görə, "Abuvnoy" (Ayaqqabı Fabriki) rəhbərliyinin mülklərinin mühafizəsi və idarəçiliyi də bu yolla onların əlinə keçib. Daha sonra mülk sahibi Xaqani küçəsində yerləşən oteli makler şəbəkəsinin mərkəzinə çevriliblər.

Ən diqqətçəkən məqamlardan biri də Xaqani küçəsindəki həmin otelin fəaliyyət mexanizmi ilə bağlıdır. Həmin oteldə pulsuz çay və rahat mühit yaradılaraq Bakının bütün maklerləri, alqı-satqı işi ilə məşğul olan şəxsləri oraya cəlb edilib.

Qeyd edək ki, keçmiş MTN əməkdaşı Akif Mustafayevin ("Akula Akif") də daxil olduğu müəyyən əlaqələr çərçivəsində, otelin 1-ci mərtəbəsindəki foyedə və görüş masalarında gizli kameralar və səs yazan cihazlar quraşdırılıb. Maklerlərin şəhərdəki böyük torpaq sahələri, problemli tikintilər, satılan və alınan milyonluq mülklər haqqında söhbətləri 10 dəqiqə sonra 3-cü mərtəbədə oturan Aydəm İsmayılova çatdırılır. Otelin 3-cü mərtəbəsində bağlı qapılar arxasında oturan xüsusi qadın işçilərin bu səs yazılarını dinləyərək qeydlər apardığı və strateji məlumatlar topladığı vurğulanır.

Qeyd: "Aydəm Xlestakov"un şok yaradacaq sərgüzəştləri növbəti sayımızda.

Ardı var...

Gundemxeber.org