Qətlə yetirilən müğənninin ailəsi VƏKİLSİZ QALIB... - "İnsanların taleləri kimi hüquqları da yanır…"
"Bakıda yandırılaraq öldürüldüyü iddia olunan müğənni Həmidə Tağıyevanın ailəsi vəkilsiz qalıb. Ailəyə təmənnasız hüquqi yardım göstərmək istəyən vəkil olarsa, əlaqələndirə bilərəm". Dia-az.İnfo bildirir ki, bu çağırışla tanınmış jurnalist, criminal.az sa6ytının rəhbəri Anar Məmmədov çıxış edib.
Jurnalist daha sonra öz çağrışını həm də belə şərh edir: "Vəkili özünü yandıran ölkədə yandırılan müğənniyə vəkil axtarmaq bəlkə də mənasızdı. Vəkillər Kollegiyasının inzibati binasının yanında özünü yandıran Salyan Vəkil Bürosunun üzvü Zaur Məmmədovu nəzərdə tuturam. Vəkilin intiharından 1 ilə yaxın vaxt keçsə də, onun ölümə sürükləyən səbəb və şəxs məlum olmadı.
İnsanların taleləri kimi hüquqları da yanır…"
Dia-az.İnfo qeyd edir ki, bir neçə gün əvvəl Anar Məmmədov vəkilləri tənqid edərək yuxarıdakı fotonu aşağıdakı kimi şərh etmişdi:
"Ölkəmizin tanınmış vəkillərinin əllərində siqar şəkillərini sosial şəbəkələrdə yəqin sizlər də görmüsünüz. Axı fotoqrafiya sadəcə vizual vasitə deyil. Bu, hekayələri, emosiyaları çatdırmaq üçün güclü vasitədir. Hörmətli vəkillərimiz bu yolla kimə nəyi çatdırmaq istəyirlər?.."
