Azərbaycan Avtomobil Yolları Dövlət Agentliyinin (AAYDA) rəhbəri Saleh Məmmədovun fəaliyyəti ölkəmiz üçün açıq-aşkar təhdiddir!

Bu iddia tanınmiş jurnalist İlqar Hüseynlinin FB səhifəsindəki yazısında yer alır:
Bu adamın rəhbərliyi altında dövlətimizin yol infrastrukturu biabırçı vəziyyətə düşüb, xalqın vergiləri talan edilib, üstəlik, onun şəxsi və tabeliyindəki şəxslərin iyrənc əməlləri ölkənin təhlükəsizliyinə zərbə vurur. Saleh Məmmədov dərhal həbs olunmalı, onun bütün fəaliyyəti araşdırılmalı və bu xainin düşmən ölkələrin, xüsusən PKK kimi terror təşkilatlarının missioneri kimi fəaliyyət göstərdiyi sübuta yetirilməlidir!
Ölkəyə yağan adi bir yağış belə Azərbaycanın yollarını gölə çevirir, Prezident yolunu da daxil olmaqla, ən mühüm magistral yollar su altında qalır! Bu, təkcə səriştəsizlik deyil, dövlətə və xalqa qarşı açıq xəyanətdir! AAYDA-nın rəhbəri kimi Saleh Məmmədov bu biabırçılığın birbaşa məsuliyyət daşıyıcısıdır. Dövlət büdcəsindən yol tikintisi və təmiri üçün ayrılan milyardlar hara gedir? Cavab aydındır: bu vəsaitlər Saleh Məmmədovun və onun ətrafının ciblərinə axır!
Çəkilən yolların qısa müddətdə bərbad vəziyyətə düşməsi, tender maxinasiyaları və dövlət vəsaitlərinin talanması bunun bariz sübutudur! Bu adamın rəhbərliyi altında yol infrastrukturu çöküb, amma o, kreslosunda oturub xalqı və dövləti lağa qoymağa davam edir
Saleh Məmmədov təkcə yeyinti ilə məşğul deyil, həm də ölkədə şər və təzyiq aparatının başında duran fiqurlardan biridir! Onun tabeliyində olan Şahbaz Qasımov adlı şəxsiyyətsizin Xural TV-nin rəhbəri Əvəz Zeynallıya qarşı yalan ifadə verməsi bu adamın nə qədər alçaq və xain olduğunu göstərir. Bu, təsadüfi bir hadisə deyil – Saleh Məmmədovun rəhbərliyi altında AAYDA həqiqətə və ədalətə qarşı mübarizə aparan bir şər şəbəkəsi formalaşıb! Bu cür əməllər onun vətəndaşlara və dövlətə qarşı düşmənçilik siyasəti yürütdüyünü açıq şəkildə sübut edir. Belə bir adamın dövlət qurumuna rəhbərlik etməsi təkcə rüsvayçılıq deyil, həm də milli təhlükəsizliyə birbaşa təhdiddir!
Saleh Məmmədovun fəaliyyəti ölkəmizin düşmənlərinin maraqlarına xidmət edir! Onun AAYDA-nın rəhbəri kimi səriştəsizliyi, yeyintiləri və şər əməlləri bir kənara, bu adamın düşmən ölkələrin, xüsusən PKK kimi terror təşkilatlarının missioneri kimi fəaliyyət göstərdiyinə dair ciddi şübhələr var. Ölkənin yol infrastrukturunu bilərəkdən zəiflətmək, dövlət vəsaitlərini talamaq, ədalətli səsləri boğmaq üçün təzyiq aləti kimi istifadə etmək – bütün bunlar PKK kimi terror təşkilatlarının regionda sabitliyi pozmaq strategiyasına xidmət edir! Saleh Məmmədovun bu cür fəaliyyəti təkcə korrupsiya deyil, ölkəyə qarşı açıq xəyanətdir! Onun bu əməlləri dərhal Dövlət Təhlükəsizliyi Xidməti tərəfindən araşdırılmalı, PKK ilə mümkün əlaqələri üzə çıxarılmalıdır!
Saleh Məmmədovun AAYDA-nın rəhbəri kimi fəaliyyəti ölkəmizə zərər vurur, xalqı səfalətə, dövləti isə biabırçılığa sürükləyir. Yolların bərbad vəziyyəti, yeyinti şəbəkəsi, şər əməlləri və düşmən ölkələrin maraqlarına xidmət etmə ehtimalı bu adamın dərhal həbsini zəruri edir! Onun bütün əməlləri, maliyyə maxinasiyaları, xarici əlaqələri və PKK ilə mümkün bağlantıları ən ciddi şəkildə araşdırılmalıdır. Saleh Məmmədov və onun şəbəkəsi dəmir barmaqlıqlar arxasında öz əməllərinin cavabını verməlidir – bu, ədalətin tələbidir!(Yenixeber.org)

Qarşı tərəfin cavab haqqını tanıyırıq.