Ucalıq yazılıb şərəf-şanına,
Laylası dünyanı alıb yanına.
Ayağı dəyən yer dönür Cənnətə,
Aləmin müqəddəs piridir Ana,
Mələkdir, huridir, pəridir Ana.
Cahanı ram edir saf məhəbbəti,
Kişi qürurudur arı, isməti.
Ən uca dəyərdir namus-qeyrəti,
Aləmin müqəddəs piridir Ana,
Mələkdir, huridir, pəridir Ana.
Hamıya həm ana, həm də bacıdır,
Hər bir övladının başda tacıdır.
Hər kəsin ən vacib ehtiyacıdır,
Aləmin müqəddəs piridir Ana,
Mələkdir, huridir, pəridir Ana.
Onun xoş niyyəti dürdür, incidir,
Bütün el-obanın görk sevincidir.
Hətta cəmiyyətin sirr güvəncidir,
Aləmin müqəddəs piridir Ana,
Mələkdir, huridir, pəridir Ana.
Yaqub, ana saçır nur yer üzündə,
Öyüd-nəsihəti var hər sözündə.
Sevinci hamıya paylar gözündə,
Aləmin müqəddəs piridir Ana,
Mələkdir, huridir, pəridir Ana.
Yaqub Məğrur,
19.09.2023-cü il