Qaxın icra başçısı onları tender ortağı seçib - DETALLAR
Qax Rayon İcra Hakimiyyəti iki tenderin nəticələrini elan edib.
minatv.az FED.az-a istinadla xəbər verir ki, hər iki tenderin qalibi "Global Engineering Management Company" MMC olub.
Belə ki, qalib şirkətə “Qax şəhəri ərazisində yerləşən kommunal yaşayış binalarının həyətlərində, o cümlədən Mənzil İstismar idarəsinin balansında olan şəhərin Ü.Hacıbəyov küçəsində yerləşən fərdi yaşayış evlərinə gediş-gəliş yolunda abadlıq işləri və asfalt-beton örtüyün əsaslı təmiri, eyni zamanda Rayon İcra Hakimiyyətinin və RİH başçısının Qax şəhəri iəd üzrə nümayəndəliyinin inzibati binasında təmir işləri ilə əlaqədar layihə smeta sənədlərinin hazırlanması işləri”nin satınalınması" tenderi üzrə 5 200, "Qax şəhərinin küçələrində yol və səkilərin əsaslı təmiri ilə əlaqədar layihə smeta sənədlərinin hazırlanması işlərinin satın alınması" tenderi üzrə 6 499 manat ödəniləcək.
İki tenderin birlikdə dəyəri 11 699 manatdır.
