Türkiyə Netanyahunun təyyarəsinə öz hava məkanından istifadəyə icazə verib
Türkiyə İsrailin Baş naziri Benyamin Netanyahunun təyyarəsinin Azərbaycana səfər üçün öz hava məkanından istifadəyə icazə verib.
Bu barədə məlumatı “AIA Global News” (“Azerbaijani-Israeli Alliance Global News”) portalı yayıb.
“İsrailin Baş naziri mayın 7-də axşam saatlarında “Kanaf Zion” adlı hökumət təyyarəsi ilə Azərbaycana yollanacaq”, - deyə məlumatda qeyd olunub.
Xatırladaq ki, “The Times of Israel” portalı Netanyahunun Azərbaycana səfərinin 5 gün davam edəcəyini bildirib.
