Nəsimi rayonunda qanunsuz tikintilər və Zahid Xəlilov...
Son aylar paytaxtın Nəsimi rayonunda qanunsuz tikililərin sayı gözçarpacaq dərəcədə artıb.
Nəsimidə qanunsuz tikililərin vüsət aldığı vaxt isə rayon icra başçısı vəzifəsinn boş qaldığı vaxtlara təsadüf edir. Qeyd edək ki, artıq iki ildir ki, Nəsimi rayonunda icra başçısı vəzifəsi vakantdır. Prezidentin bir neçə ay əvvəl təyin etdiyi icra başçısı isə sahaibkarlardan pul tələb etdiyinə görə cəmi bir ay vəzifəsində qala bildi. Hazırda isə Nəsimi rayonunda idarəetmənin icra hakimiyyətinin iki müavini arasında bölüşdürüldüyü bildirilir. Bunlar Gülarə Verdiyeva və Zahid Xəlilovdur.
AzFakt.com-a daxil olan məlumata görə rəsmi məlumatlarda Nəsimi rayonuna Gülarə Verdiyevanın rəhbərlik etdiyi bildirilsə də, əslində elə sahələr var ki, orda yalnız Zahid Xəliovun sözü keçir. Onlardan biri də tikinti sektorudur.
Sosial şəbəkələrdə yayıaln məlumatlara görə Nəsimi rayonunda tikintilərə icazə (o cümlədən qanunsuz tikintilərə) rayon İcra Hakimiyyətinin müavin Zahid Xəlilov nəzarət edir. Hazırda isə Nəsimidə qanunsuz tikililər sürətlə artmağa başlayıb. Görünür ki, başçı müavini yaranmış vəziyyətdən yararlanmağa çalışır.
Məlumata görə Zahid Xəlilovun tikinti sahəsi üzrə əsas adamı isə Müşfiq adlı şəxsdir.Məhz qanunsuz tikinti tikmək istəyən şəxslərlə Zahid Xəlilov arasında vasitəçilik missiyasını Müşfiq adlı şəxs həyata keçirir və elə o da qanunsuz tikililərə birbaşa nəzarəti qeyi-rəsmi şəkildə həyata keçirir.(AzFakt.com)
