İCTİMAİ NƏZARƏT
Etibarlı birlikdir,
İctimai Nəzarət.
Müstəqil agentlikdir,
İctimai Nəzarət.
Haqsızlarla deyişir,
Əyrilərlə döyüşür,
Vəziyyəti dəyişir,
İctimai Nəzarət.
Dəstək olur dövlətə,
Arxa durur millətə.
Dözür hər cür zillətə,
İctimai Nəzarət.
Hüquqları darayır,
Hər yerdə haqq arayır.
Xeyrə-şərə yarayır,
İctimai Nəzarət.
Dözmür şərə, böhtana,
Dərhal girir meydana.
Boyun əymir şeytana,
İctimai Nəzarət.
Haqqı deyir, təklənir,
Büdrəsə də diklənir.
Gələcəyə köklənir,
İctimai Nəzarət.
Haram yeyib qusana,
Tələ qurub pusana,
Nifrət edir susana,
İctimai Nəzarət.
Girmir iblis donuna,
Söykənir üst qanuna.
Yetir işin sonuna,
İctimai Nəzarət.
Dayaq durur Məğrura,
Salmır çirkli yağmura.
İstər haqdan dağ qura,
İctimai Nəzarət.
29.09.2024-cü il.
