İlk Rusiya-Ukrayna savaşı başlayanda çoxları düşünürdü ki, 1441-1783-cü illər arasında Osmanlı Türkiyəsinə bağlı yüz min kv.km əraziyə malik müstəqil Kırım-Tatar dövlətinin bir hissəsi olan Krım yarımadasını, tarixdə ikinci dəfə ələ keçirən kimi ruslar döyüşü dayandıracaq. Ancaq Kırımın 2014-cü il tarixli işğalından sonra, dünyanın susqunluğunu, eləcə də cahanın super qüdrət sahibi sayılan ABŞ, Aİ və NATO-nun dişsizliyini görən Rusiya daha da şirniklənib əlavə torpaqlar zəbt etməyə başladı. 2022-ci ildən başlayaraq bir-birinin ardınca işğal etdikləri Ukraynanın Donetsk, Luqansk, Xerson və Zaporojye vilayətlərində “səsvermə” keçirib qondarma dövlətlər elan etdilər. Üstəlik Ukraynanın ən böyük şəhərləri Kiyev və Xarkovu daimi raket zərbələri ilə böyük dağıntılara məruz qoydular. Hazırda Ukraynanın Qara dənizə yeganə çıxış limanı olan Odessanı da ələ keçirmək uğrunda döyüşən Rusiya imperiyasının başında duran insanabənzər ikiayaqlı vəhşilər qoca, qadın, uşaq demədən yaşayış binalarını və xəstəxanaları məhv etməklə xarabaya çeviriblər. Sosial şəbəkələrdə verilən məlumatlara görə, artıq ruslar Ukraynanın 603 min kv. km. ərazisinin təqribən dörddə bir hissəsini işğal ediblər. Özlərini dünyanın ağası hesab edən ABŞ, İngiltərə, Fransa, Almaniya və s. dövlət başçıları isə konkret təsirli tədbirlər görmək əvəzinə, kənardan hədə-qorxu gəlmək, təsirsiz sanksiyalar tətbiq etmək yolunu seçiblər. Üstəlik Qərb tərəfindən Ukraynaya vaxtında kifayət qədər hərbi yardımlar edilmir. Əvəzində Çin, Hindistan, Şimali Koreya kimi nüvə dövlətlərilə hərbi ittifaq qurub dünyanı iki qütbə bölən Rusiyanı yumşaldıb danışıqlar stoluna oturtmaq üçün az qala yalvarırlar. Bu da azğınlaşmış Rusiyanın işinə yaxşı yarayır. İş o həddə çatıb ki, qırmızı rus faşizminin başında duran qaniçən Putin, guya dünya nizamına nəzarət edən nə qərb dövlət başçılarını, nə də NATO rəhbərliyini nəinki vecinə almır. hətta ələ də salır. Hesab edirəm ki, Rusiya-Ukrayna savaşına son qoymaq üçün aşağıdakı təcili tədbirlər görülməlidir:

1) İlk növbədə Rusiyanın tərkibində inləyən Türk Respublikaları istiqlalını elan etməli və dərhal dünya dövlətləri tərəfindən tanınmalıdır!
2) Postsovet məkanında yarımmüstəqil dövlətlər lazımınca silahlandırılmalı və Rusiyaya qarşı döyüşə səfərbər edilməlidir!
3) Dünyanın super gücləri Krım Yarımadasının müstəqil dövlətə çevrilməsi şərtini qoymalı və buna nail olmalıdır!
4) Zərurət yaranarsa, nüvə savaşından çəkinmədən, ikinci dünya savaşında olduğu kimi kollektiv Qərb tərəfindən ikinci cəbhə açılmalıdır!

Düşünürəm ki, yalnız bu şərtlərin təmin edilməsilə işğalçı rus faşizminə son qoyula bilər. Əks halda qanlı Sovet İmperiyası yeni qiyafədə xortlayacaq.

ƏVVƏL

SORA

Yaqub Məğrur